前TVB绿叶演员游飈曾拍逾百部剧集被封「御用烂仔」 大谈当年辛酸最低3元时薪

旅游 18℃ 0
前TVB绿叶演员游飈于1989年投考电视製作专业训练中心举办嘅第三期艺员进修班，翌年毕业并加入TVB，从前效力TVB长达21年，期间曾参与拍摄逾一百部剧集，以剧集《大时代》一人分饰三角最为人记得，其余多为闲角或黑社会角色，因此被封「御用烂仔」。游飈2012年决定离巢TVB转到香港电视，离巢时月薪仅10,500元，不过因后来香港电视未获发牌，故专注经营于2004年创立嘅环境工程公司，专门负责去甲醛工作。日前，游飈接受香港演艺人协会专访，大谈当年辛酸。游飈坦言，当年两间电视台，一间30元10小时，一间35元10小时，即3元和3.5元1小时，家人并唔赞成佢嘅工作，又指当年喺伊馆拍电影畀人搵笨，由朝开到晚，连地铁都无埋，仲要坐车返元朗都係得40元，不过佢就笑言自己反叛无理家人反对：「我呢啲叛逆青年，始终我觉得係自己做到嘅嘢」。又直言当年有好大满足感，个感觉係好想参与，拍摄电影和电视时见识到器材好厉害，幕后又好专业。游飈回忆指，当时做临时演员学到好多嘢：「放食饭之前，我哋会喺旁边练跳弹床，经常会自己弄伤自己，但就係好想去强化自己，去做好啲。」佢续分享，曾经有一次拍于石矿场小山攻打光明顶嘅戏，因为太辛苦嘅关係，有好多人因太热晕倒，由原先150人拍摄变到晏就得返唔够50人。游飈指自己喺严酷环境下长大，笑言：「如果畀佢宜家面对嘅话…（摇头），你真係，你好难想像嗰个环境点解大家可以，但係我哋当时即使辛苦，但係係享受嘅，因为你见到係认真嘅。」又指，虽然成日被粗口责骂，但当年觉得可以参与到就得：「由临记到正式演员，头十年都非常享受。」游飈最后用吴孟达做例子，指如果好似对方咁70岁离世，现年56岁嘅佢其实仅余下14年：「时间唔係好多，无咩时间畀你去谂」，因此藉宜家勉强行得走得，做到几多得几多：「我哋呢啲叫做揼石仔，一粒粒，一点一滴，一步一脚印行出来，我哋嘅底一啲都唔厚，我哋唯有靠自己嘅热诚、认真，或者产品质素去做，能唔能够做到成绩，大家认唔认同，呢个就我控制唔到，我只能做好自己嘅嘢。」香港演艺人协会YouTube影片截图香港演艺人协会YouTube影片截图香港演艺人协会YouTube影片截图香港演艺人协会YouTube影片截图香港演艺人协会YouTube影片截图香港演艺人协会YouTube影片截图香港演艺人协会YouTube影片截图香港演艺人协会YouTube影片截图香港演艺人协会YouTube影片截图香港演艺人协会YouTube影片截图香港演艺人协会YouTube影片截图按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！其他人也在看

上一篇

「桃芝」闯港料今晚挂1号戒备信号 明日至周三或挂3号波

下一篇

被誉为「日本第一美女」的中山美穗，54岁近况曝光，真实面容引发网友热议：难掩岁月痕迹！

相关推荐